ლექსები

შეხედე!

ჩამოეღვენთა მზე და ჩვენ

პირები შევუშვირეთ.

მუცლის ღრმულებში ვიგრძენით სითბო.

ნამგალიანი ბაბუაჩვენი

ბრუნდება თივის ნაფოტებიდან.

 

ჩიტები

სველ ზეწრებს ქარი წურავს მოაჯირებზე,

და მე, მის გასწვრივ, ზეწრებიდან ვუყურებ მიმეზისს.

შეხედე ცას! მოფრინავენ

შორეული აღმოსავლეთიდან.

 

ზეთი 

შემოვაკერე ჰელიუმის ბუშტებს ძაფები.

თითი დამადე საფეთქელზე.

თორემ უზეთოდ დარჩენილი ტვინი ჭრაჭუნობს

და ექსპონატად დაკიდული ცრემლი ჩხარუნობს:

ჭრაჭ-ჭრუჭ!

ჭრაჭ-ჭრუჭ!

 

ტყის ქოხში

გაზქურაზე

სველ ფეხებს ვიშრობთ.

ჩაიდანი ყვირის.

შორეთიდან

თოფის ხმა იყო

ჩიტებზე მონადირის.

….

ალქაჯი ტყის

სისხლიან მდელოს

უყურებს და ტირის:

ახლახანს მოვრწყე.