მაწანწალა კატა ბობი

A-street-cat-named-bobლონდონელი მაწანწალას ავტობიოგრაფიულ წიგნზე გიამბობთ, იმ წიგნზე, რომელმაც ავტორის ცხოვრება შეცვალა: ჯეიმს ბოვენზე (James Bowen), რომელმაც ქუჩაში ხეტიალისას უპატრონო კატა გაიცნო და მოუარა. მანამდე წებოს სუნთქავდა, შიმშილსა და სიცივეს ასე უმკლავდებოდა, კოვენტ გარდენზე გრანჟს უკრავდა და ფულს ასე შოულობდა. კურტ კობეინს გავდა, მაგრამ ფულს არავინ ჩუქნიდა, მანამდე, სანამ კატა არ შეიფარა, მასთან მეგობრობამ ლომკა გადაატანინა, youtube-დან ცნობილი მაწანწალები გახდნენ და ვინმე ტურისტი ინგლისში თუ მოხვდებოდა, კოვენტ-გარდენს მიაშურებდა ქუჩის გიტარისტისა და კატა ბობისთვის ვიდეოს გადასაღებად. ცოტა ხანში ჯეიმს ბოვენმა ავტობიოგრაფიული წიგნი გამოსცა, – “მაწანწალა კატა ბობი” და “ბობის თვალით დანახული სამყარო”, – სადაც ადამიანისა და კატისთვის ქუჩის ცხოვრებას აღწერს. წიგნმა შესწორებები გაიარა და ბესთსელერად იქცა. მასზე დაყრდნობით ბავშვებისთვის ილუსტრირებული წიგნიც გამოიცა. ასე გამდიდრდა ჯეიმს ბოვენი და კატა ბობი მდიდრულ შამპუნებში ბანაობს.

redcat_james_bowen_22წესით, ბედნიერი ამბავია, ისტორია, სადაც პერსონაჟი თავის კუთვნილ “ჰეფი ენდს” მხოლოდ წიგნში კი არა, ცხოვრებაშიც ნახულობს, მაგრამ მეორე მხრიდან იმ ამბავს წააგავს, სადაც საზოგადოება პუმა სათამაშოს უფრო უვლის, ვიდრე რეალურ პუმას ზოოპარკში: სანამ კატას გამოიყვანდა სამათხოვროდ, ჯეიმს ბოვენი დღეში იმდენს შოულობდა, რამდენსაც კატასთან ერთად საათის განმავლობაში, სახლიც აყიდინა და გაამდიდრა. რაც უფრო მიზანთროპული და მარტოსულია საზოგადოება, ცხოველის ჩანაცვლება მეტად შეინიშნება. ცხოველთა დამცველებს ვურჩევ, რომ წიგნი აუცილებლად გადმოწერონ ოფიციალური, არაპირატული საიტიდან.

4 responses to “მაწანწალა კატა ბობი

  1. პირველ რიგში დიზაინი შეგიცვლია, ძალიან ლამაზია და …სადა : )
    რაც შეეხება ამ მამაკაცს, მის შესახებ მსმენია…და კატა ბობით სულ აღფრთოვანებული ვიყავი : )
    ახლა გამახსენდა, რუსთაველის მეტროსთან ზის მათხოვარი ბაბუა (მეგრელი ვარ და პაპას ვერ ვამბობ ხოლმე….), ხოდა იმ ბაბუს ჰყავს ერთი დიდი წითური ცუგა შეფარებული, სულ მის ფეეხბთან ძინავს, შეგიმჩნევიათ ალბათ.., ზოგჯერ არის ხოლმე, რომ ხურდებიც კი არ მაქვს , მაგრამ რაღაცას მაინც ვპოულობ ხოლმე მათთვის…ჩემთვის ის ბაბუ ყველაზე პოპულარული მათხოვარია : )
    ამიტომ მესმის ჯეიმსისა და ბობის წარმატების.
    ჩემთვის კატები ისედაც ბევრს ნიშნავს…ორი შავი კატა მყავს და მჯერა რომ ჩემზე ძალიან დიდ გავლენას ახდენენ : )

  2. მახსოვს, შენი ქუჩაში ნაპოვნი მელანქოლიკი მაგა და სამეგრელოში პატარა სოფელი, იმ სოფელში დიდი სახლი, იმ სახლში ღუმელი, ღუმელის ძირში მიფიცხებული კატები. მეტროსთან ძაღლიანი ბაბუა არ შემიმჩნევია, შემდეგზე თუ მოვხვდები, თვალი გამექცევა. ხელიც.

  3. ^_^ რა კარგად გახსოვს.
    მეტროსთან არაა, აი მეტროს რომ გაცდებით, პოპული რომაა იქ ზის მიწისქვეშა გადასასვლელთან.

  4. რა საინტერესო რამეები ხდება მარტოსულ საზოგადოებებში. როგორ მაინტერესებს, სადამდე მიაღწევს ეს მარტოსულობა და რა მოხდება.

გამოთქვით აზრი

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s