ბოროტი ჯინი


სთხოვე და აგისრულებს. ასრულების მერე უკმაყოფილების შეგრძნება გრჩება. ფიქრობ, შენს სურვილს ნაკლი ჰქონდა. არასდროსაა ისეთი, როგორიც ჩანასახში. მეტიც, შეიძლება რომ გავნოს.

დაბურულ მინას ხელით ვასუფთავებ. ის ეწევა სიგარეტს, სანამ არ ვუყურებ. იცის, რომ არ მიყვარს როცა ეწევა. ან რატომ უნდა გაუჩნდეს სურვილი მოწიოს, თუ დღე ისედაც მშვენიერია. ჰო, მე არასდროს მომიწევია. ამ ბოლო დროს ისეთი ტონით მთხოვს ნებართვას, რთულია დაუშალო. მეც არ ვუშლი. დაბურულ მინას ხელით ვასუფთავებ. და ვფიქრობ: ”იდიოტი სიგარეტი”. ვუბრუნდები და თავად ვთხოვ მომიკიდოს. მშრალი პასუხი მრჩება: ”არ მინდა შეგაჩვიო”.

ჩემს ცხოვრებაში რამდენიმე ჯინი მახლდა, ყოფიერების სიავ-სიკარგეზე რომ საუბრობდნენ და ავტობიოგრაფიას მიწერდნენ. მე თანდათან ვერეოდი ჩემს საქმეში დამკვირვებლის ფუნქციით. მერე დავიკიდე. დავიკიდე ის ძირითადი ადამიანებიც და გარსი მორიგი მატერიისთვის. შემეშინდა. თავი მარტოდ რომ ვიგრძენი და არავისი ნაზავი ვიყავი. მერე მივხვდი, რომ შევცდი. მე დღემდე მქმნიან. ოღონდ შეფარულად, აი, როგორც ბოროტი ჯინი.

ბოროტი ჯინი ბევრია და სულაც არ არიან ბოროტები. არც გარეგნულად, არც შინაგანად. მეტიც, ნეიტრალურები არიან, როგორც ბულგაკოვის ეშმაკები და თუ ქვეცნობიერი ამოგილაგეს, ეს სულაც არაა მათი ნაკლი, – ვფიქრობ, – თუ თავიდან მხოლოდ სიკეთე იყო, ღმერთი, და მან შექმნა ბოროტება, ეშმაკი, ღმერთი ბოროტი ჯინი გამოდის და ადამიანის ხატად არსებობს.

ცდილობს მოწევა მალე დაამთავროს და ჩამეხუტოს. მე ვცდილობ ძალიან ბევრი ველაპარაკო. იხსენებს, როგორ შევუყვარდი ორჯერ: ჯერ ბავშვობაში და ახლაც, როცა სრულიად შეცვლილი ვარ. ვასკვნით, არ აქვს მნიშვნელობა თვისებებს, როცა გიზიდავს. უბრალოდ, მასთან სიახლოვეს გრძნობ უხილავი ძაფებით თუ რაცაა.

მე მისთვის ბოროტი ჯინობა მინდოდა, დამეშალა და თავიდან ამეწყო. ნიძლავიც დავდე, რომ შევცვლიდი. რომ იცოდეთ, რა ენთუზიაზმი მქონდა. გამომიცხადა, შენთან იმ მეს ვგრძნობ, რომელიც არ უნდა არსებობდესო. ახლა უკვე ჩამქრალი ჰქონდა სიგარეტი და მე მინის თვალიერება – დასრულებული. ჩვენს შესახებ ფილმი გადაიღეო. გამეღიმა, ”მე ხომ მწერალი ვარ”. ”ოღონდ სახელისა და ნაციის გარეშე”. ”კაი”, – გამეღიმა, რადგან ისედაც ნაცვალსახელებით ვწერ და არც ნაციას ვანიჭებდი მნიშვნელობას. ვნება დაარქვიო. ანუ ერთხელაც დავწერ, იმაზე, როგორ კლავენ საკუთარ მეებს, რადგან ბოროტ ჯინებს არ გააკარონ.

3 responses to “ბოროტი ჯინი

გამოთქვით აზრი

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s