გწერ. იმაზე, რასაც ვერ ვამბობ ისე. რადგან უცხო ხარ. ჩემგან უცხო ხარ. ჩემით ვიგონებ: ახლოს ხარ და ერთად ვსუნთქავთ. ვუკრავ. შემთხვევით ჩავარდნილ ნოტას ვაჭერ. არ ვიმჩნევ, როგორც დადგმულ ფეხებს კაბაზე ცეკვისას. გაშლილ ხელებში გამოვექანე და წავიქეცი სანტიმეტრებით ფეხებთან ახლოს. არ მეყო ძილი. შენ საგანი ხარ. გამეღვიძება. მიზეზი? უმიზეზოდ. იმისთვის, რომ დავლიო ჩაი. ვინმეს მივწერო: დილა მშვიდობისა. და დაველოდო იგივე პასუხს. დილით შევამოწმებ საფოსტო ყუთებს. ოჯახში მივიღებთ შხაპებს და გავაკვირვებ მეგობრებს ქცევით. გამეღვიძება. მიზეზი? სიზმრებს გავექცე. კოშმარულ სიზმრებს. და ციფრულ სიზმრებს ფილმების სახით მივიღებ დილით. ასეთი ჩვევა მაქვს: ვიღვიძებ ხოლმე 🙂
Merz AnnA Blume 